Sunday, June 3, 2007

عالبحر


المكان كان عالبحر
الميعاد المغربيه
وحديها كانت عالبحر
الله ..معقول تكون هى
بصيت عليها لمحت انا نظرتها ليا
حسيت كانى اعرفها والله من زمان
دققت و اول مافتكرت لقيتها هى
ففضلت سرحان فيها افتكر اللى كان
اول ميعاد واول هديه
و اول كلام فى الحب منها تقوله ليا
وجواب مسوجر و دبله فضه
و حاجات كتيريا ريتها كات طالت شويه
بصيت عليها لمحت انا نظرتها لبا
حسيت كاني اعرفها و الله من زمان
دققت و اول مفتكرت لقيتها هى
ففضلت سرحان فيها افتكر اللى كان
شفت ابتسامه رقيقه ليا فابتسمت
ضحكت و شاورت من بعيد فشاورت
وقلت اقوم يمكن ارجع اللى كان
و اول ما رحت لعندها وبقول احم
بصتلى باستغراب كده وقالت نعم
اتاريها مش فكرانى و لا فاكره اللىكان
و لقيت فى ايدها دبله لكن مش بتاعتى
ولقيت خطيبها جاى يحل المشكله
بصيت عليها لمحت انا نظرتها ليا
حسيت كانى اعرفها و الله من زمان
دققت واول مافتكرت لقيتها هى
ففضلت سرحان فيها افتكر اللى كان
محمد شلبي

No comments: